Попуст …

Во време на сериозен конзумеризам тешко е да се одолее на искушението ПОПУСТ, а уште потешко на РАСПРОДАЖБА. Напишано со огромни букви и прекрасни бои како да ти го одзема разумот и како со магнет те привлекува во продавницата. Внатре ти се поматува умот од фуријата растрчани купувачи кои се борат за некој производ како да е последниот здив. Веќе не размислуваш рационално. Забораваш колкави биле цените пред попустот и колку % е вистинското намалување. Си викаш ,,сега му е мајката” да се докачам до се она по кое се лигавев по излози и многупати пати влегував и го посакував. И шок, го нема твоето бројче или твојата боја! Разочарување. Ама нема врска, додека сум тука ќе си најдам нешто друго, па се е на попуст, што и да земам ,,сигурно ќе ми се најде за некоја прилика”. Куп луѓе пред гардероба, не можам да чекам, од око гледам дека ми е добро. ,,Чекај уште нешто да земам, и така ќе чекам ред, да не биде само ова”.Многу пати го имам преживеано ова, се додека не одлучив да не се впуштам во ,,масовното лудило”. Кога ќе се најдам пред искушението сама на себе си правам притисок дека МОРА да купам. И така, најчесто дома доаѓам со работи кои или не ми се потребни, или не ми се точни, или се наквалитетни до неупотребливост. А ми отишле и парите кои ги штедев.

Да се разбереме, јас немам доволно пари да имам се што ќе посакам. Ни оддалеку. Им се радувам на намалувањата и се обидувам да заштедам, ама низ годините сум развила одбрамбена тактика како да извлечам максимална корист. Така си ги почитувам моите пари и развивам одговорност кон општеството (создавам помалку ѓубре и внимателно одбирам кого го поддржувам со моето купување).

Ова е мојата тактика:

1. Ја пробувам и проверувам гардеробата која ја поседувам. Правам листа на тоа што ми е неопходно, на тоа што ми е потребно и на тоа што би било супер ако го дополнам, ама не ми е ни итно ни битно.

2. Отприлика знам кога се попустите, па шетам низ продавниците и на раат си ги одбирам парчињата кои ќе ги ловам на попуст. Обавезно пробувам тоа што ми се допаѓа, за да не мора да трошам време кога ќе се случи намалувањето на цената.

3. Одбирам време кога е најмалку посетено, на пример сосема рано, веднаш по отварањето.

4. Со себе носам ограничена сума на пари и избегнувам да ја земам кредитната картичка. 

5. Одам сама. Искуството ми говори дека потешко се справувам со коментарите ,,Леле џабе е ова, не се испушта” и ,,Зошто не си го земеш, ваква боја немаш, а и ти прилега на тенот”.

Не дека измислив топла вода или дека нешто многу сум паметна, ама сакав да споделам еден поинаков начин да се купува на попуст. И не заборавајте, следната распродажба ќе дојде за 6 месеци. Нема потреба да претерувате и да складирате. 

п.с. Инспирација за овој пост е една тековна garage sale во еден од трговските центри. Ако прошетавте деновиве ќе мислевте дека доаѓа крајот на светот. Мојата перцепција е дека веќе имаме многу компулсивни купувачи. За причините во некое следно пишување.

Advertisements

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out / Промени )

Twitter слика

You are commenting using your Twitter account. Log Out / Промени )

Facebook photo

You are commenting using your Facebook account. Log Out / Промени )

Google+ photo

You are commenting using your Google+ account. Log Out / Промени )

Connecting to %s