Новогодишна прослава …

proslava

Деновиве е актуелна одлуката на град Скопје да НЕ организира централна прослава. Си мислам дали има потреба да коментирам на веќе донесена одлука, ама за да не ме мачи, сепак решив да напишам.

За да не се повторувам со ставот кој веќе го објавив на фејсбук, https://www.facebook.com/plugins/post.php?href=https%3A%2F%2Fwww.facebook.com%2Fbiljana.dukovska%2Fposts%2F10155047335496299&width=500 , ќе се обидам да скицирам како за мене би изгледала идеална прослава во градот.

Нема да ја креирам ниту по етнички, ниту по возрасен, ниту по партиски концепт. Пред се, таа мора да има граѓански и отворен карактер, односно да им даде место на оние кои присуствуваат самите да си го најдат своето омилено делче. Однапред да кажам, дека ваков настан би барал и поголемо ангажирање и подолго организирање, но и задоволството ќе биде поголемо. И секако прославата не би била само една вечер, туку во последната недела пред новогодишната ноќ.

Како за крај на годината, убаво би било да се свртиме наназад и да видиме што направивме, какви успеси имавме, со какви предизвици се соочивме, едноставно, да видиме што правевме. Да ги провериме богатствата на градот. Па така:

  • Како искуство од претходните години ми се допаѓа идејата да се продаваат ракотворби. Со нив се стимулира развој на занаети/вештини и со соодветна поддршка тоа може да прерасне во формален и приходен бизнис, или уште подобро, да генерира нови вработувања.
  • Граѓанските организации треба да имаат свое место, особено оние кои работат социјални претпријатија или имаат свои производи. Учеството би им донело популаризација на производите и секако видливост на проблемите со кои се соочуваат нивните целни групи.
  • Имаме куп таленти кои ретко или никогаш не добиваат шанса да се покажат пред поголема публика. Мислам на аматерски (или професионални) хорови, бендови, дј-и, танцови студија, фолклорни друштва, театри, уметници, таленти – индивидуалци, неформални групи, итн. Градот би било убаво да види со што располага и да направи пригодна програма. За секој од нив да следува некаков хонорар и благодарница, како стимул за во иднина.
  • Ги знаете сите оние млади, па и постари, кои цела година преку екраните се бодрат низ српските шоуа? Оние за кои се зборува дека одлично пееле? Ајде да ги најдеме и да ги прашаме дали би сакале да ни го орасположат градот.
  • Да не ги заборавиме и професионалците од филхармонија и опера, оркестарот на МРТВ, дувачкиот оркестар, театрите и балетот. Може да се организраат кратки изведби, со неколкумина од нив, на популарни теми.

За главната вечер:

  • Би купила костени, ореви, бадеми, лешници, од оние кои вредно ги набрале од шумата, не ги увезле, немаат складирани шлепери и не се богатат од тоа. Ќе направам малечки фишеци што нема да чинат повеќе од 50 денари и ќе се продаваат во еколошка амбалажа.
  • Храна мора да има, ама баш немам идеја како да го уредам овој дел. Можеби повторно би одела на варијанта со повик за учество, со тоа што би имало услов да се донира дел од приходот од таа вечер. Се размислувам и за оние мобилните продавачи на сендвичи и хот дог, или за домашно приготвена храна од вешти жени. Важно е парите да стигнат до оние кои имаат помалку.
  • (Се размислувам и за бездомниците и оние кои немаат ништо. Можеби преку организациите кои работат со нив би се поделиле купончиња за едно парче храна, еден пијалок и едно благо и врз основа на собраните купончиња би им се платило на продавачите. Никој не смее да изоставиме од големата слика!)
  • Благо – бидејќи е сезона на тикви и јаболка, би купила од индивидуални производители (или задруг) и би направила неколку видови десерти, кои ќе ги изработат социјални претприемништва или групи на граѓани кои се во социјален ризик и тие би се продавале за не повеќе од 50 денари, повторно во одговорна амбалажа. Ќе им биде платен ангажманот на оние кои ќе готват.
  • Чај – повторно купен од некој кој го берел од планината, ќе се дели бесплатно. Вело кафињата би ги прашала дали сакаат да учествуваат.
  • Топла ракија и греано вино – тука сметам дека треба да се внимава и да не се поддржат нерегистрирани производители, туку да се стимулираат мали или нови винарии, според однапред утврдени критериуми. Нема да се употребуваат оние пластичните чашки за еднократна употреба, туку ќе се внимава да има хартиени еко чаши кои веднаш може да се рециклираат. Ми текна дека може да има и повратни стаклени или порцелански чаши, со кауција, но за тоа не сум сигурна.
  • Градот Скопје чинам има свој регистар на улични уметници, со прекрасен репертоар и ангелски гласови, ќе разговарам со нив, ќе подготвам пригодна програма и ќе им платам хонорари, достојни за работа на празник.
  • Ќе ги повикам професионалните музичари, ако сакаат да учествуваат, за некој нормален хонорар, дека не е фер да работат за без пари, ама не би ги платила „како да се последната ѕвезда на планетата“.
  • Сите пари од продажбите би ги донирала во хуманитарни цели. Во суштина сите пари што ќе ги потроши градот ќе претставуваат стимулации и поддршка.
  • Огномет нема да има! Па имаме умови кои би направиле некакво звучно или колоритно шоу, со некакви светки и светлечки ефекти кои нема да го загадуваат воздухот, а ќе бидат свечени и ефективни.

За крај, за се ова што го набројав, нема да се потрошат многу пари, а ќе се добие вистинска вредност. Мислам дека има барем уште 10тина работи кои може да се вклучат, а за кои градот Скопје веќе има сопствени ресурси од каде би ги исцрпел. Секако нема да биде досадно. Убаво е да се сврти некое оро, и некое танго, и некој ретро хит, и супер модерна песна или алтернативен звук. Добро е да се донесе среќа во срцата на луѓето. Ако сакаме за Скопје да зборуваме како за метропола, да му дозволиме да порасне во една таква, отворена и разнолика.

п.с Предлозите може да се реплицираат/прилагодат и на општинско ниво.

Advertisements

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google+ photo

You are commenting using your Google+ account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

w

Connecting to %s